Rusiya Dövlət Duması təcili yardım maşınlarına maneə törədən, onları buraxmayanlara görə cəriməni 7 min rubldan 30 min rubla qədər artıran qanun layihəsinə baxacaq.

SİA-nın məlumatına görə, bundan əlavə, hökumət müvafiq qanun pozuntusuna görə sürücülük imtiyazlarının iki ilədək müddətə ləğv edilməsi imkanını nəzərdən keçirəcək.

Qanun pozuntularının daha dəqiq qeydə alınması üçün təcili yardım maşınlarının özlərinə kameraların quraşdırılması təklif olunur.

Ehtimal olunur ki, belə kameralar sürücülərin davranışını təhlil edəcək və qayda pozuntusu faktını müəyyən edəcək neyron şəbəkə ilə təchiz ediləcək.

Bununla belə, bir mühüm problem var.

Sürücülər, məsələn, işıqforun qırmızı işığından keçərək təcili yardım maşınının keçməsinə icazə vermək üçün çox vaxt yol hərəkəti qaydalarını pozmağa məcbur olurlar. İndiki vaxtda belə hərəkətlər qanun pozuntusu kimi qeydə alınır, səhv cərimələrlə bağlı şikayətlər demək olar ki, nəzərə alınmır.

Nazlı Almuradova