İnternetin Rusiya seqmentində irimiqyaslı uğursuzluq qeydə alınıb. Bir çox saytların istifadəçiləri populyar saytlara və xidmətlərə daxil olmaqda kütləvi şəkildə çətinliklərlə üzləşdiklərini bildirirlər. Bu barədə özünü müstəqil hesab edən Rusiyanın “Astra” nəşri “Telegram”da məlumat yayıb.

“Bir neçə provayderdə problemlər müşahidə olunur və bir neçə iri veb-resursların yüklənməsi nəzərəçarpacaq gecikmələrlə baş verir və ya qeyri-mümkündür”, – məlumatda deyilir.

Roskomnadzor bildirib ki, fasilələr “texniki nasazlıqların qeydə alındığı xarici server infrastrukturundan istifadə ilə” bağlıdır.

Hadisənin təfərrüatları və stabil internet xidmətinin bərpası üçün mümkün müddətlər hələlik dəqiqləşdirilməyib.

Ekspertlər problemi Roskomnadzorun Cloudflare xidmətlərinə qarşı hərəkətləri ilə əlaqələndirirlər.