Macarıstanın baş naziri Viktor Orban ölkəsinin son üç ildə sanksiyalar, enerji böhranı və ixrac bazarının Rusiyaya itirilməsi səbəbindən 22 milyard avro itirdiyini bildirib. Bu barədə SİA məlumat yayıb.

“Beynəlxalq qaz qiymətləri dəyişdi və biz buna görə çox itirdik. Bazar mühiti dəyişib və buna görə də kreditləri yalnız daha yüksək faizlə əldə etmək mümkün olub, ona görə də burada faiz itkisi var”, – Orban bildirib.

Həmçinin, onun sözlərinə görə, Macarıstan sanksiyalara görə Rusiyanın ixrac bazarını itirib.

O qeyd edib ki, ölkə üçün ümumi itkilər 22 milyard avro və ya hər macar ailəsinə 6200 avrodan çox olub.

Bundan əvvəl Orban demişdi ki, Brüsseldə hakimiyyətdə olan liberalların yerinə vətənpərvər hökumətlərin nümayəndələri gəlməsə, Avropa gözümüzün qabağında dağılacaq. O, həmçinin bildirib ki, Brüsselin “Amerikadakı dostlarımız tərəfindən həyata keçirilən təmizləməyə ehtiyacı olacaq”.

Bundan əvvəl Orban Aİ-ni Ukraynanı müstəmləkə etmək niyyətində ittiham edib.