İsrail Misir vasitəçilərinin köməyi ilə Fələstinin HƏMAS hərəkatına Qəzza zolağından girovların azad edilməsi üçün iki mərhələli plan təqdim edib. SİA xəbər verir ki, bu barədə “Sinxua” agentliyi adı açıqlanmayan Misir mənbələrinə istinadla məlumat yayıb. Razılaşmanın birinci mərhələsində HƏMAS 11 canlı girovu, həmçinin 16 cəsədi azad etməlidir. Bundan sonra 40 günlük atəşkəs olmalıdır. İkinci mərhələdə, İsrailin planına görə, HƏMAS bütün qalan girovları eyni vaxtda azad etməlidir.

Nəşr bildirib ki, ABŞ İsrailin təklifini dəstəkləyir, çünki bu, “cari hərbi təzyiqi artırır”. Bundan əvvəl Fələstin HƏMAS hərəkatı Qəzza zolağında tam atəşkəs və İsrail qoşunlarının çıxarılması ilə bağlı razılığa gəlmək üçün maksimum çeviklik nümayiş etdirməyə hazır olduğunu bəyan edib.