Rusiya və Amerika nümayəndə heyətlərinin Ər-Riyaddakı görüşündə Ukrayna münaqişəsinin nizamlanması üzrə danışıqların sonrakı mərhələlərinə hazırlıq baş tutacaq.

SİA-nın məlumatına görə, bunu Dövlət Dumasının Beynəlxalq Əlaqələr Komitəsinin sədrinin birinci müavini Aleksey Çepa deyib.

Deputat Lenta.ru ilə söhbətində Moskva ilə Vaşinqton arasında dialoqa dair gözləntilərindən danışıb.

…Düşünürəm ki, konkret məqamlarla bağlı müəyyən dəqiqləşdirmələr olacaq. Tutaq ki, enerji obyektlərinin atəşə tutulmasının dayandırılması ilə bağlı qərar qəbul edilirsə, o zaman biz bu obyektlərə nəzarəti necə həyata keçirə bilərik? Biz görürük ki, Kiyev artıq bu müqaviləni iki dəfə pozub. Nəzarət oluna bilmirsə, hansısa qərarlar qəbul edilir və bu müqavilələrə əməl etməyən ölkəyə qarşı heç bir tədbir görülmür? Bundan əlavə, danışıqların gələcək mərhələlərinə hazırlıq gözlənilir

Bunu Çepa bildirib.

…Bundan əvvəl Ər-Riyadda Ukrayna və Amerika nümayəndə heyətləri arasında görüş başlayıb.

Danışıqçılar, müdafiə naziri Rustem Umerovun qeyd etdiyi kimi, “bir sıra mürəkkəb texniki məsələləri” həll edəcəklər.

Ukrayna nümayəndə heyətinə energetika üzrə ekspertlər, donanma və hava qüvvələrinin nümayəndəsi daxildir. Bazar ertəsi, martın 24-də Amerika tərəfi də Ər-Riyadda Rusiya nümayəndə heyəti ilə görüşəcək.

Əli Babayev