Serbiyanın paytaxtı Belqradda UEFA-nın 49-cu Konqresi öz işinə başlayıb.

SİA yerli mənbələrə istinadən xəbər verir ki, konqresdə çıxış edən Serbiya Prezidenti Aleksandar Vuçiç Avropanın ən mühüm idman tədbirlərindən birinə ev sahibliyi etmək üçün Belqradı seçdiyinə görə təşkilatçılara təşəkkürünü bildirib.

“İnanıram ki, konqres uğurla keçəcək, müzakirələrin nəticələri Avropada və dünyada futbol ictimaiyyətinin güclənməsinə töhfə verəcək”, – deyə Serbiya Prezidenti əlavə edib.

Konqres Avropa futboluna təsir edən qərarlar qəbul etmək üçün UEFA-ya üzv olan 55 milli assosiasiyanın prezidentlərini və baş katiblərini bir araya gətirib. İştirakçılar həm UEFA, həm də assosiasiyalardan gələn qərarları, tədbirləri və təklifləri müzakirə edəcək, həmçinin UEFA İcraiyyə Komitəsinə və FIFA Şurasına, eləcə də digər qurumlara seçkilər keçiriləcək. Bu il konqresdə UEFA İcraiyyə Komitəsinin 10 və FIFA Şurasının 5 Avropa üzvü seçiləcək.