“Ermənistanın bu cür mütəmadi olaraq atəşkəsi pozmasının nəticəsi elə bir vəziyyətə gətirib çıxara bilər ki, sərhəddə yenidən təxribat baş versin”. Bunu SİA-ya politoloq Samir Hümbətov deyib.

Onun sözlərinə görə, Ermənistan bunu istəyir: “Buradan sual ortaya çıxır. Bunu Ermənistan hökuməti Paşinyan və administrasiyası istəyir, yoxsa Ermənistan daxilindəki digər güclərin əlaltıları? Bu, başqa bir mövzudur. Amma görünən odur ki, atəşkəsin bu cür pozulması onu göstərir ki, Ermənistan ordusu daxilində bəzi güclər və ya hökumətin hansısa tərəfdən olan əlaltıları təxribat yaratmaqla yeni münaqişəni alovlandırmağa çalışırlar. Bu da yeni qarşıdurmaya səbəb ola bilər. Ermənistan faktiki olaraq bu gün silahlanmaya gedir – Hindistandan, Fransadan, Yunanıstandan silah alır. Bu isə o deməkdir ki, Ermənistan artıq sülhdən yox, müharibədən danışmağa başlayır. Bu baxımdan düşünürəm ki, atəşkəsin pozulması sadəcə olaraq yeni qarşıdurmanın bazasını yaratmaq üçün bir alət rolunu oynaya bilər”.