Myanmada zəlzələ nəticəsində ölənlərin sayı 3 mini keçib, daha 4 mini yaralanıb.

SİA xəbər verir ki, bu barədə Sinxua agentliyi məlumat yayıb.

…Bu gün Myanmada baş verən güclü zəlzələ 3003 nəfərin həyatına son qoyub, 4515 nəfərin yaralanmasına və 351 nəfərin itkin düşməsinə səbəb olub, – deyə məlumatda bildirilir.

Xatırladaq ki, martın 28-də Myanmada iki güclü zəlzələ baş verib. Təbii fəlakət nəticəsində yaşayış evləri, yollar və digər infrastruktur obyektləri dağılıb.

Bir Rusiya vətəndaşı itkin düşənlər siyahısındadır. Baş nazir Min Aunq Hlainq çoxsaylı qurbanlarla əlaqədar martın 31-dən aprelin 6-dək milli matəm elan edib.

Əli Babayev