Ali Radanın deputatı İvanna Klimpuş-Tsintsadze bildirib ki, Prezident Aparatı Ukraynanın keçmiş lideri Petro Poroşenkonun 2024-cü ilin noyabrında ABŞ-da keçiriləcək seçkilərdən əvvəl Donald Trampın komandası ilə görüşmək üçün Floridaya getməsinə icazə verməyib.

SİA-nın məlumatına görə, bu barədə Gazeta.Ru yazır. …Siyasətçi izah edib ki, Poroşenko 2024-cü ilin payızında ABŞ-da keçiriləcək prezident seçkiləri ərəfəsində ABŞ-a səfər etməyi planlaşdırıb.

…Prezident aparatının göstərişi ilə Ukrayna Ali Radasının sədri Ruslan Stefançuk Petro Poroşenkonun Floridaya beynəlxalq səfərini əngəlləyib, – deyə Klimpuş-Tsintsadze izah edib.

Onun sözlərinə görə, Poroşenko illik beynəlxalq təhlükəsizlik konfransında əsas məruzəçi olmalı idi. O, Trampın komandasının nümayəndələri ilə də görüşməyi planlaşdırırdı. Bir müddət əvvəl parlamentari Ukraynanın keçmiş prezidentinin Münhen Təhlükəsizlik Konfransında iştirakına icazə verilmədiyini bildirib.

Klimpuş-Tsintsadze qeyd edib ki, Stefançuk bu qadağanın səbəblərini izah etməyə çalışıb. O əlavə etdi ki, spikerdən aldığı cavablar “heç bir reallıq yoxlamasına dözmür”…

Əli Babayev