Dünya

Amsterdamın mərkəzində avtomobil yanıb…


Amsterdamın mərkəzi meydanında avtomobil partlayıb.

SİA-nın məlumatına görə, REN TV xəbər verir ki, sürücü yanan avtomobili tərk edə bilib və sağ qalıb.

Hadisə cümə axşamı, aprelin 3-də Dam meydanında baş verib.

Yoldan keçənlərdən heç biri xəsarət almayıb.

Hadisə şahidlərinin təqdim etdiyi kadrlarda Dam meydanında yanan avtomobil görünür.

Oradan hündürboylu, güclü bir kişi çıxır, əlləri ilə paltarının alovunu söndürməyə çalışır. Bir neçə dəqiqədən sonra xüsusi avadanlıq görünür. Yanğınsöndürənlər avtomobili, sürücünü köpüklə söndürüb, sonra isə şlanqla aşağı salıblar.

Daha sonra ona lazımi tibbi yardım göstərilib. Partlayışın səbəbləri hələlik açıqlanmayıb.

Eyni zamanda polis həmin şəxsin avtomobili qəsdən yandırmasını ehtimal edir.

Əli Babayev