…Dünya ictimaiyyətinin və medianın diqqəti Ukraynadakı hərbi münaqişədə atəşkəsə nail olmaq üçün aparılan danışıqlar prosesinə yönəlib. Məlum olduğu kimi, Amerika prezidenti Donald Tramp və komandası bu çətin məsələdə könüllü olaraq vasitəçi kimi çıxış edib.

Moskva və Kiyev Ukrayna böhranının həlli ilə bağlı Vaşinqtonla danışıqlarda oxşar taktikadan istifadə edir, özləri üçün ən əlverişli şərtləri əldə etməyə çalışırlar.

SİA xarici qaynaqlara istinadən xəbər verir ki, bu fikri “The Wall Street Journal” bölüşür.

Məqalədə qeyd olunur ki, “Rusiya və Ukraynanın diplomatik addımları hər bir tərəfin ABŞ prezidenti Donald Trampın şərtlərini tam yerinə yetirməyə razılıq vermədən dəstəyini almaq istəyini nümayiş etdirir.

Qəzetin analitikləri hesab edirlər ki, Rusiya hərbi sahədə əldə etdiyi nailiyyətləri möhkəmləndirməyə və Vaşinqton və Kiyevdən mümkün qədər çox güzəşt əldə etməyə çalışır. Ukrayna öz növbəsində ABŞ-ın təklif etdiyi iqtisadi razılaşmaları öz xeyrinə düzəltməyə çalışır. Eyni zamanda, Ağ Evdə dalana dirənmiş kimi görünən danışıqlar prosesi ilə bağlı narahatlıq artır.

Əli Babayev