“Rusiya hərbi kampaniyasına son qoymaq niyyətində deyil..?”
…Britaniya və Fransa Rusiya lideri Vladimir Putini Ukraynada döyüşlərə son qoymaq üçün atəşkəs danışıqlarına ayaq uzatmaqda ittiham edib.
SİA xarici qaynaqlara istinadən xəbər verir ki, bu barədə “Washington Post” məlumat yayıb.
Böyük Britaniyanın xarici işlər naziri David Lemmi və Fransanın xarici işlər naziri Jan-Noel Barrotun sözlərinə görə, Rusiya ABŞ-ın Ukraynada hərbi əməliyyatların 30 gün müddətinə tam və dərhal dayandırılması təklifini faktiki olaraq rədd edib.
…Biz düşünürük ki, Putin çaşdırmağa, hər şeyi kənara çəkməyə davam edir.
Bunu Lemmi deyib.
O hesab edir ki, Putin atəşkəsə razılaşmalı olsa da, “o, Ukraynanı bombalamağa davam edir. Bu, mülki əhalidir. Bu, enerji təchizatıdır. Biz sizi görürük, Vladimir Putin. Nə etdiyinizi bilirik”…
Öz növbəsində Barro qeyd edib ki, Ukrayna üç həftə əvvəl atəşkəs şərtlərini qəbul edib və indi Rusiya “ABŞ-a cavab verməlidir”.
…Rusiya durmadan mövqeyini dəyişir, enerji infrastrukturuna hücumları, hərbi cinayətlərini davam etdirir.
Bunu deyən Barronun sözlərinə görə, Rusiya ABŞ-ın təklifinə aydın cavab verməlidir, o, “hə” və ya “yox” olmalıdır.
…Fransa Xarici İşlər Nazirliyinin rəhbəri hesab edir ki, Rusiya hərbi kampaniyasına son qoymaq niyyətində deyil. Bunu Putinin 160 min çağırışçının bir illik hərbi xidmətə çağırılması haqqında fərmanı da sübut edir. Hər iki xarici işlər naziri Ukrayna silahlı qüvvələrinin inkişafına kömək etməyə davam edəcəklərini vəd ediblər.
Axı bu, Ukraynanın təhlükəsizliyinin ən yaxşı təminatı olacaq, çünki ABŞ NATO-ya üzvlüklə bağlı hər hansı perspektivi gündəmdən çıxarıb.
Əli Babayev
