Rusiya kəskin canlı qüvvə çatışmazlığı səbəbindən hücumlarda hərbi polisdən istifadə etməyə başlayıb…

…Rusiya Silahlı Qüvvələrinin böyük itkiləri və müqaviləli əsgərlərin sayının az olması Kremli ekstremal tədbirlər görməyə vadar edir.

SİA-nın xarici qaynaqlardan əldə etdiyi məlumata görə, ruslar indi “elita”nı, yəni hərbi polisi döyüşə atmağa başlayıblar.

Dialoq.UA xəbər verir ki, bu barədə məlumat aprelin əvvəlində Z-kanallarında peyda olub.

…Bütün cəbhədə hərbi polislərin tədricən hücumlara göndərilməsi tendensiyası müşahidə olunur. Bütün istiqamətlərdə getdikcə daha az insan var. Aydındır ki, müqavilə imzalamaq istəyən insanların axını bizim istədiyimiz qədər deyil.

Bunu Z-bloggerləri bildirirlər.

…Və maraqlıdır ki, bu xəbər bəzi rus təbliğatçılarını sevindirib.

O da maraqlıdır ki, sevinən digərləri arasında Z-müharibə müxbiri Romanov da var.

…Mən heç vaxt bu qədər cəsarətli, daha güclü döyüşçülərlə rastlaşmamışam və onlar arxaya yaxınlaşdıqca, bir o qədər güclü idilər. Onlar öz postlarında həmişə tam təchizatda olublar: zirehdə, bəziləri hətta SVD-də (yəqin ki, Draqunov snayper tüfəngini nəzərdə tutur-A.B.). Əminəm ki, hətta hücum zamanı da düşmənin BRK-sını silib, ona “tam yoxlama” verə biləcəklər. Vaxtınız gəldi!

Romanov bunu, yəni “vaxtınız gəldi” yazanda təbii ki, ukraynalıları nəzərdə tutub..?

Qeyd edək ki, hərbi polis Rusiya ordusunda toxunulmaz “elita” hesab olunur. Döyüşdə görünmür. Keçid məntəqələrinin mühafizəsi, fərarilərin və digər qanun pozucularının axtarışı, şikəstlərin hücuma göndərilməsi ilə məşğul olur, maneə dəstəsi kimi fəaliyyət göstərir və s.

Əli Babayev