Severo-Kurilsk sahillərində 5,0 bal gücündə zəlzələ qeydə alınıb.

SİA rus saytlarına istinadən xəbər verir ki, bunu eqalert.ru seysmik aktivliyin monitorinqi onlayn xidmətinin məlumatları sübut edir.

Seysmoloqlar aprelin 24-də Saxalin vaxtı ilə saat 22:57-də Kuril adaları regionunda zəlzələ qeydə alıblar.

Rusiya Elmlər Akademiyası Geoloji Kəşfiyyatlar üzrə Federal Tədqiqat Mərkəzinin Saxalin bölməsinin məlumatına görə, seysmik hadisənin mənbəyi Severo-Kurilskdən 225 kilometr cənub-şərqdə yerləşib.

Yeraltı təkanların gücü maqnituda miqyasında təxminən 5,0 bal olub. Mənbə 34 kilometr dərinlikdə yerləşirdi.

Zəlzələnin ocağının koordinatları 48,9° şimal eni və 157,7° şərq uzunluğudur.

Dağıntı və tələfat barədə məlumat yoxdur.

Nazlı Almuradova