Qazaxıstanın Almatı şəhərində “Mərkəzi Asiya-Çin” formatında xarici işlər nazirlərinin VI görüşü başlayıb. SİA xəbər verir ki, bu barədə Qazaxıstan Xarici İşlər Nazirliyi(XİN) xəbər verir.

İclas zamanı iştirakçılar siyasi dialoqun gücləndirilməsi, ticari-iqtisadi əməkdaşlığın genişləndirilməsi, nəqliyyat əlaqələrinin inkişafı ilə bağlı aktual məsələləri müzakirə edəcəklər.

Bundan əlavə, iclasın gündəliyinə müasir çağırış və təhdidlərə qarşı birgə mübarizə, həmçinin regionda dayanıqlı inkişaf və ekoloji təhlükəsizliyin təmin edilməsi məsələlərinin müzakirəsi daxildir.