Azərbaycan Nəqliyyat və Kommunikasiya Holdinqinin (“AZCON Holding”) tərkibində fəaliyyət göstərən “Azərbaycan Hava Yolları” (AZAL) Beynəlxalq Hava Nəqliyyatı Assosiasiyasının (IATA) Ətraf Mühitin Qiymətləndirilməsi Proqramı olan IEnvA-ya qoşulub. SİA xəbər verir ki, sənəd Bakıda keçirilən Aviasiya Enerji Forumu çərçivəsində imzalanıb.

Müqaviləni AZAL-ın Baş Kommersiya İnzibatçısı Cəmil Manizadə və IATA-nın Türkiyə, Mərkəzi Asiya və Azərbaycan regionu üzrə nümayəndəsi Funda Çalışır imzalayıblar.

IEnvA proqramı AZAL-a müxtəlif əməliyyat sahələri üzrə ətraf mühitə təsirini daha yaxşı qiymətləndirməyə, ətraf mühit göstəricilərini yaxşılaşdırmağa və bu sahədə daha sistemli yanaşma formalaşdırmağa şərait yaradacaq.