“Universitet sektorunda investisiyalar 5% artım nümayiş etdirmişdir. Beləliklə, ölkəmizin makroiqtisadi göstəricilərində istər dayanıqlılıq, istər iqtisadi artım, istərsə də ticarət balansındakı müsbət dinamika baxımından əhəmiyyətli irəliləyişlər müşahidə olunmuşdur. Valyuta ehtiyatlarının artması, dövlət büdcəsi çərçivəsində cəmi bir il ərzində təxminən 15 milyard manat həcmində əsaslı xərclərin reallaşdırılması, Qarabağ və işğaldan azad edilmiş digər ərazilərin bərpası üzrə proqramların icrası, ölkənin müdafiə qabiliyyətinin və beynəlxalq müzakirə potensialının gücləndirilməsi istiqamətində atılan addımlar bu nailiyyətlərə misal göstərilə bilər. 2024-cü il ərzində bu genişmiqyaslı proqramların uğurla icra olunması ilə yanaşı, fiskal intizam da təmin edilmişdir”. SİA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2024-cü il dövlət büdcəsinin icrası haqqında” Qanun layihəsinin müzakirəsi zamanı bildirib.

Onun sözlərinə görə, 2024-cü il dövlət büdcəsinin qeyri-neft gəlirləri ötən illə müqayisədə daha yüksək səviyyədə icra olunmuş, əvvəlki dövrlər üçün müəyyən edilmiş 24 əsas fəaliyyət göstəricisindən 3-4 vahid artıq nəticə əldə edilmişdir: “Digər tərəfdən, dövlət borcunun ÜDM-ə nisbəti 21,7% səviyyəsində sabitləşmişdir ki, bu da orta müddətli hədəfimiz olan 30% səviyyəsindən 8,3 faiz bəndi aşağıdır. Dövlət Neft Fondunun aktivləri 4,5 milyard ABŞ dolları həcmində artmışdır.

Bir tərəfdən, ölkədə çoxsaylı infrastruktur layihələri, “Geniş Dövlət Universiteti” proqramı, “Böyük Qayıdış” proqramı və ölkənin sosial-iqtisadi inkişaf strategiyasından irəli gələn tapşırıqlar uğurla icra olunmuşdur. Digər tərəfdən, əhalinin sosial müdafiəsi və rifahının gücləndirilməsi istiqamətində tədbirlər davam etdirilmiş, eyni zamanda fiskal dayanıqlılıq və büdcə çərçivələri qorunub saxlanılmışdır”- deyə nazir bildirib.