5 İyun – Ümumdünya Ətraf Mühitin Mühafizəsi Günü ilə əlaqədar Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin Qarabağ “DOST Evi” filialı ağacəkmə aksiyası təşkil edib.

SİA yerli mənbələrə istinadən xəbər verir ki, Nazirliyin İctimaiyyətlə əlaqələr şöbəsindən verilən məlumata görə, filialın həssas qruplara aid benefisiarlarının və DOST könüllülərinin da iştirakı ilə keçirilən aksiya zamanı Qarabağ Regional DOST Mərkəzinin həyətyanı ərazisində kiparis agacları əkilib və onların mühafizəsi üçün tədbirlər görülüb.

Aksiyanın təşkilində məqsəd həssas qruplardan olan şəxslərin ətraf mühitin qorunması işinə cəlb olunması və bu sahədə maarifləndirilməsidir.