…Türkiyə mehmanxanaları hava yollarından nümunə götürərək dinamik qiymətqoyma tətbiq edirlər. İndi otaq qiymətləri rezervasiya zamanı dəyişə bilər ki, bu da tətilin planlaşdırılmasını çətinləşdirir.

Bu mövsüm Türkiyə otelləri turistlər üçün əlavə çətinliklər yarada biləcək yeni qiymət sistemi tətbiq edir.

İndi yaşayış yerlərinin qiyməti tələbdən asılı olaraq real vaxt rejimində dəyişəcək – aviaşirkətlərin çoxdan istifadə etdiyi prinsipə əsasən…

SİA-nın məlumatına görə, söhbət “dinamik qiymət” adlanandan gedir: turist rezervasiya edərkən, bir otağın qiyməti kəskin arta bilər – 20 faizə qədər.

Bu, tətil planlaşdırma prosesini daha az proqnozlaşdırıla bilən edir. Yenilik xüsusilə turoperatorların işini çətinləşdirir. Məsələn, turist cümə günü bir tur seçə bilər və bazar ertəsi günü ofisdə onun haqqını ödəməyə gələndə otağın qiyməti daha yüksək olur.

Bundan əlavə, bu model hissə-hissə ödəmə imkanını praktiki olaraq istisna edir – bu müddət ərzində qiymət əhəmiyyətli dərəcədə dəyişə bilər. Əvvəlki sabit sifariş sxeminə qayıtmaq perspektivi yoxdur. Eyni zamanda, son anda tətilə tələsməyə hazır olanlar müəyyən üstünlük əldə edirlər: otel dolu deyilsə, gəliş tarixinə yaxın qiymətlər azala bilər.

Nazlı Almuradova