…İyunun 14-dən 24-dək Rusiya İslam İnstitutu unikal təhsil layihəsinə ev sahibliyi edir: ərəb dilini və İslam mədəniyyətini öyrənmək üçün tələbə düşərgəsi “İslam – sülh və tolerantlıq dinidir”.

On günlük proqram tələbələri zəngin təhsil prosesində və mədəni fəaliyyətlərdə bir araya gətirir.

Düşərgə iştirakçıları Tatarıstanın mədəniyyəti, tarixi və dini ənənələri ilə tanış olurlar. Proqrama intensiv ərəb dili dərsləri, ustad dərsləri, interaktiv oyunlar və seminarlar daxildir. Xüsusi dəyər, iştirakçılara dil bacarıqlarını təkmilləşdirməyə kömək edən ərəb danışanları ilə canlı ünsiyyət imkanıdır.

SİA-nın məlumatına görə, layihə İslam Mədəniyyəti, Elm və Təhsilinə Dəstək Fondunun dəstəyi ilə Rusiya İslam İnstitutu tərəfindən təşkil olunub.

Düşərgə təkcə dil təcrübəsi üçün deyil, həm də müasir çoxqütblü dünyada xüsusilə aktual olan mədəniyyətlərarası dialoq dəyərlərinin formalaşması üçün platformaya çevrilir. Layihə təhsil və tərbiyə vəzifələrinin birləşdirilməsi, gənclər arasında tolerantlığın inkişafı və millətlərarası harmoniyanın möhkəmləndirilməsi sahəsində uğurlu təcrübə nümayiş etdirir.

İştirakçılar mədəniyyətlərarası ünsiyyətdə təkcə bilik deyil, həm də əvəzolunmaz təcrübə əldə edirlər ki, bu da onlara gələcək peşəkar və sosial fəaliyyətlərində kömək edəcək.

Nazlı Almuradova