İndoneziyanın Majapahit kəndində 8 metr uzunluğundakı piton 63 yaşlı fermerə hücum edərək onu bütövlükdə udub. SİA-xəbər verir ki, bu barədə Antara agentliyi yazır.

Hadisə iyulun əvvəlində baş verib.

Yaşlı fermer La Notie plantasiyaya gedib və axşam evə qayıtmayıb. Qonşular və qohumlar həyəcan təbili çalıb axtarışa başlayıblar.

Axtarış qrupu daxmanın yaxınlığında park edilmiş motosiklet, sonra isə nəhəng piton tapıb. İnsanlar onu tutublar və yarılma aparıblar. İtkin düşən fermerin meyiti pitonun qarnından tapılıb.

Yerli sakinlər qeyd ediblər ki, La Noti toyuqlara yem verməyə gedərkən özü ilə silah götürməyib və bu da onu sürünən üçün asan ov edib.

Ailə mərhumun qalıqlarını götürüb və yaxın vaxtlarda dəfn mərasimi təşkil edəcək.

Yerli hakimiyyət bu ərazidə ilk belə hadisə olduğunu bildirib. Bununla belə, İndoneziyanın qalan hissəsində belə piton hücumları nadir deyil.

Yağışlı mövsümdə mal-qara ovlamaq üçün plantasiyalara gizlicə girirlər.

Belə ki, 2018-ci ildə Muna adasının sakini yeddi metrlik pitonun qarnında ölü tapılıb, 2022-ci ildə isə Cambi əyalətində piton qadını öldürərək udub.

2024-cü ilin iyun ayında təxminən 5 m uzunluğunda piton 45 yaşlı Fəridə adlı yerli qadını udub.

Mərhumun arxasında ər və dörd övladı qalıb.

Nazlı Almuradova