ABŞ Ermənistanla Azərbaycan arasında mübahisənin həlli yolunu təklif edib
ABŞ Bakı ilə İrəvan arasında sülh danışıqlarını asanlaşdırmaq üçün Zəngəzur dəhlizinin idarəçiliyini öz üzərinə götürməyə hazırdır.
SİA-nın əldə etdiyi məlumata görə, Middle East Eye xəbər verir ki, bu barədə Amerikanın Türkiyədəki səfiri Tomas Barak bildirib.
…Onlar Ermənistan və Azərbaycan 32 kilometr yol üstündə mübahisə edirlər, lakin bu, zarafat deyil. Bu, artıq on ildir ki, davam edir.
Bunu amerikalı diplomat bildirib.
Barak onu da əlavə edib ki, Amerika özəl şirkəti 100 illik icarə əsasında dəhlizin idarəçiliyini öz üzərinə götürə bilər. Eyni zamanda, onun sözlərinə görə, hər iki tərəf dəhlizdən birgə istifadə edə biləcək.
Bundan əvvəl məlum olub ki, Zəngəzur dəhlizinin açılması Azərbaycan prezidenti İlham Əliyevlə Ermənistanın baş naziri Nikol Paşinyan arasında danışıqlarda əsas mövzuya çevrilib.
Rusiya prezidenti Vladimir Putin də Ermənistan və Azərbaycan liderləri ilə bu məsələni müzakirə edib.
Əli Babayev
