ABŞ prezidenti Donald Tramp Merilend ştatındakı Endryus Hərbi Hava Qüvvələrinin Birgə Bazasında jurnalistlərə açıqlama verib. SİA xarici KİV-ə istinadən xəbər verir ki, Ukraynaya “Patriot” hava hücumundan müdafiə raketləri göndərib-göndərməyəcəkləri ilə bağlı suala Tramp belə cavab verib: “Nömrə hələ dəqiqləşməyib, lakin onların müdafiəyə ehtiyacı olduğu üçün bəzilərini göndərəcəyik. Amma Avropa Birliyi ödəyəcək. Biz heç nə ödəməyəcəyik, ancaq onları göndərəcəyik. Bu, bizim üçün bir iş olacaq. Onlara çox ehtiyac duyduqları “Patriot”ları göndərəcəyik”.

Donald Tramp Rusiya prezidenti Vladimir Putindən məyus olduğunu vurğulayıb: “Əvvəllər Putinin sözlərinin arxasında kiminsə olduğunu düşünürdüm. O, çox gözəl danışır, amma sonra gecələr insanları bombalayır. Bu, bizim xoşumuza gəlmir”.

Rusiyaya qarşı yeni sanksiyaları elan edib-etməyəcəyi ilə bağlı suala Tramp belə aydınlıq gətirib: “Nə olacağını görəcəyik”.

İsrailin hücumu altında olan Qəzzada atəşkəslə bağlı suala isə Tramp belə cavab verib: “Biz bu barədə danışırıq və ümid edirik ki, gələn həftə açıqlanacaq”.