Avropanın ən böyük limanı Rotterdam hərbi yüklərin qəbulu üçün hazırlıqlara başlayıb və analitiklərin fikrincə, bu, Qərblə Rusiya arasında qarşıdurmanın aktiv fazasının yaxınlaşmasından xəbər verə bilər.

SİA-nın məlumatına görə, nəşr vurğulayır ki, oxşar logistika 2003-cü ildə ABŞ və müttəfiqləri İraqa hücuma başlayanda istifadə edilib.

Əvvəllər liman əsasən kommersiya daşımalarına xidmət edirdi.

Hərbi istifadəyə keçid, hətta qismən də olsa, mülki yüklərin həcminin azalması səbəbindən əhəmiyyətli iqtisadi itkilərə səbəb ola bilər. “Vzqlyad” nəşrinin analitikləri qeyd edirlər ki, bütün infrastrukturun sürətlə səfərbər edilməsi planları olmadan belə addımlar praktiki deyil.

Bundan əlavə, məqalədə bildirilir ki, Avropa İttifaqı və ABŞ artıq hərbi istehsal həcminin artırılması ilə bağlı qərarlar qəbul ediblər.

Proqnozlara görə, 2026-cı ilə qədər Qərbdə hərbi istehsal “əhəmiyyətli nisbətlərə” çatmalıdır.

Bundan əvvəl Bundesver Rusiyaya qarşı qabaqlayıcı zərbələr endirməyə çağırmışdı.

…Və bundan əvvəl Almaniya kansleri Merz də Avropa ölkələrini ABŞ-ın “qaçanları” adlandırmışdı.

Əli Babayev