Xidmətlərinə görə o, bitkoin və avro ilə ödəniş alırmış..?

ABŞ-ın Oslodakı səfirliyinin keçmiş mühafizəçisi Rusiya və İranın xeyrinə casusluqda ittiham olunur.

SİA rus saytlarına istinadən xəbər verir ki, bu barədə Norveçin NRK milli televiziyası ölkə prokurorluğuna istinadən məlumat yayıb.

…İstintaqın məlumatına görə, norveçli səfirlik əməkdaşları, diplomatlar və onların ailə üzvləri haqqında məxfi məlumatları Rusiya və İran idarəçilərinə ötürüb.

Köçürülən məlumatlara həmçinin səfirliyin əməkdaşlarının binalarının diaqramları, obyektlərin fotoşəkilləri, təhlükəsizlik tədbirləri haqqında məlumatlar və ziyarətçilərin siyahısı daxildir.

İttiham aktında deyilir ki, həmin şəxs xidmətlərinə görə ödənişi bitkoin və avro ilə alıb.

NRK xəbər verir ki, şübhəli şəxs günahını qəbul etmir. Həbslə bağlı məlumat prokurorluq tərəfindən təsdiqlənsə də, hələlik daha ətraflı şərh verilməyib.

Bu hadisə Norveçin NATO müttəfiqi kimi strateji əhəmiyyəti və Rusiya sərhədinə yaxınlığı nəzərə alınmaqla narahatlıq doğurub.

Əli Babayev