…təbii ki, ABŞ-ın tarifləri fonunda, amma daha yaxşı xəbərlər var..?

ABŞ-ın ticarət siyasətinin sərtləşdirilməsinə baxmayaraq, Avropa şirkətləri cari hesabat mövsümündə təəccüblü möhkəmlik nümayiş etdiriblər. Volkswagen, Adidas, Nokia və Mercedes-Benz kimi nəhənglər tariflərin mənfi nəticələri barədə xəbərdarlıq etsələr də, İsveçrə şirkətləri xüsusilə yüksək rüsumlarla şoka düşsələr də, əksər Avropa firmalarının maliyyə nəticələri gözləntiləri üstələyib.

SİA-nın əldə etdiyi məlumata görə, bu barədə Financial Times yazır.

Analitiklər qeyd edirlər ki, mənfəət və artım proqnozları ABŞ prezidenti Donald Trampın ticarət tariflərini elan etdiyi zaman gözləniləndən yüksək olaraq qalıb.

Risklər qalmasına baxmayaraq, xüsusən də tariflər ABŞ iqtisadiyyatını zəiflədirsə, Avropa Almaniyanın infrastrukturuna investisiyalar və müdafiə xərclərini artırması sayəsində öz mövqeyini gücləndirmək şansına malikdir.

…Avropa hazırda olduqca cəlbedici görünür. Biz getdikcə daha çox yaxşı xəbərlər alırıq.

Bunu Citi bankının strateqi Beate Manthei deyir.

Avropa Stoxx 600 indeksi ilin əvvəlindən bəri yüksəliş göstərib.

Kering və LVMH kimi lüks şirkətlər ABŞ və Çində zəif tələbatdan əziyyət çəkirlər. Avtomobil istehsalçıları da mürəkkəb təchizat zəncirləri ilə üzləşib və mənfəət proqnozlarını azaldıblar.

Bununla belə, bəzi sənaye rəhbərləri tariflərin əhəmiyyətinin şişirdilmiş olduğunu düşünürlər.

BMW-nin baş direktoru Oliver Zipse “Daha vacib olan məhsulların nə qədər cəlbedici olmasıdır” deyib.

Müdafiə sektoru və banklar investorların xüsusi diqqətini çəkib. İkinci rübdə bütün sektorlar üzrə ən yaxşı nəticələri göstərmiş, ən böyük bankların səhmləri 2008-ci ildən bəri ən yüksək həddə çatmışdır.

Hesabat mövsümü çətin xarici iqtisadi vəziyyət şəraitində Avropa üçün gözlənilməz nikbinlik nəfəsi olmuşdur.

Əli Babayev