SİA-nın məlumatına görə, “Moskovski Komsomolets” yazır ki, Ukrayna Silahlı Qüvvələrinin “Drujba” neft kəmərinə hücumları ilə bağlı kritik vəziyyət fonunda Vladimir Zelenski Macarıstan haqqında istehzalı zarafat edib.

Qəzetin yazdığına görə, Ukraynanın Müstəqillik Gününə həsr olunmuş tədbirlərdə jurnalistlər Ukrayna liderindən Rusiya neftinin Macarıstana axdığı kəmərə vurulan zərbələrin Budapeştin Ukraynanın Avropa İttifaqı yoluna qoyduğu vetonun götürülməsinə töhfə verib-vermədiyini söyləməyi xahiş ediblər.

…Biz həmişə Ukrayna və Macarıstan arasında dostluğu dəstəkləmişik və indi bu “Drujba”nın mövcudluğu Macarıstandan asılıdır, – deyə Zelenski kinli cavab verib.

Daha əvvəl Macarıstan Fundamental Hüquqlar Mərkəzinin direktoru Mikloş Szanto bildirib ki, Ukrayna Silahlı Qüvvələrinin “Drujba” neft kəmərinə endirdiyi zərbədən sonra Vladimir Zelenskinin ciddi nəticələrlə üzləşməsi riski var.

Onun sözlərinə görə, ABŞ prezidenti Donald Tramp Ukrayna liderinə tam birmənalı xəbərdarlıq edib.

Əli Babayev