Bu əsl innovasiya yarışıdır…

…Britaniyanın Sky News nəşri ölkənin Rusiyaya qarşı müharibədə texnologiyadan necə istifadə etdiyini göstərmək üçün Ukraynanın dron zavodlarından birinə eksklüziv giriş əldə edib.

Nəşrin məlumatına görə, tammiqyaslı işğalın əvvəlində könüllülər tərəfindən qurulan General Cherry Drones şirkəti istehsalı min dəfə artırıb: ayda 100 pilotsuz uçan aparatdan yüz minlərləyə qədər…

Lakin şirkətin nümayəndəsi Andrey Lavrenoviçin sözlərinə görə, bu hələ cəbhə üçün kifayət deyil.

…Rusların çoxlu qoşunu, çoxlu texnikası var. Əsgərlərimiz hər gün bizə deyirlər: bizə daha çox, daha yaxşı, daha sürətli lazımdır, – o vurğulayıb.

Prezident Vladimir Zelenski də analoji fikir bildirib. Onun sözlərinə görə, Rusiya pilotsuz təyyarələrin istehsalını artırıb, Ukrayna isə maliyyə çatışmazlığı səbəbindən genişləyə bilmir. Dron fabrikləri gizli saxlanılır və hətta Rusiyanın zərbələrindən qaçmaq üçün köçürülür.

Adi ofislərə bənzəyən otaqlarda dronlar əl ilə yığılır – partlayıcı maddə olan kvadrokopterlərdən tutmuş, Rusiyanın kəşfiyyat aparatlarına hücum edə bilən qurğulara qədər.

Hər bir cihaz cəbhəyə göndərilməzdən əvvəl sınaqdan keçirilir. Bir Ukrayna pilotsuz təyyarəsinin qiyməti təxminən 1000 dollardır. Eyni zamanda yüzlərlə dəfə baha başa gələn düşmən təyyarəsini məhv edə bilər.

Bununla belə, Rusiya onu tutmağa çalışır. Onun fabriklərindən əldə edilən təbliğat kadrlarında yüzlərlə yeni Geran hücum pilotsuz təyyarəsinin Ukrayna səmasında buraxılmağa hazır olduğunu göstərir.

Kreml İran Şahedini təkmilləşdirir, onları daha sürətli və daha ölümcül edir.

Bundan əlavə, Rusiya Federasiyası tıxanmaq mümkün olmayan fiber-optik kabellərlə idarə olunan dronlar üçün texnologiyalar hazırlayır.

Oxşar modellər Ukraynada da yaradılır, lakin ruslar daha əvvəl istehsala başlayıblar və Çindən dəstək alıblar.

Ukraynalı mühəndislər qeyd edirlər ki, bu, müharibəni “maşınların elmi-fantastik döyüşü”nə çevirən daimi yeniliklər yarışıdır.

Onların məlumatlarına görə, dronlar artıq cəbhədə zərbələrin 80 faizini həyata keçirir.

Əli Babayev