Bir neçə həftədən sonra ölkədə parlament seçkiləri keçiriləcək.

Kişinyovda Avropa İttifaqının (Aİ) üç aparıcı lideri – Almaniya kansleri Fridrix Merz, Fransa prezidenti Emmanuel Makron və Polşanın baş naziri Donald Tusk Moldovanın Müstəqillik Günü şərəfinə Moldova Prezidenti Maia Sandu ilə görüşüblər.

SİA-nın əldə etdiyi məlumata görə, bu barədə DW yazır.

Sandu ölkə üçün “Avropadan başqa alternativ olmadığını” vurğulayaraq, Rusiyanın Ukraynaya qarşı hər gün apardığı müharibənin Avropada sülh və azadlıq ilə Kremlin apardığı “müharibə və ölüm” arasındakı fərqi nümayiş etdirdiyini qeyd edib.

Lakin Avropa İttifaqı liderlərinin səfəri gərgin seçki kampaniyası şəraitində keçirilir.

Cəmi bir neçə həftədən sonra qüvvələr balansını dəyişə biləcək parlament seçkiləri keçiriləcək.

Merz “həlledici” səsvermə riskini xatırladaraq, “Moldovanın Avropa İttifaqının xeyrinə seçimini təminatlı hesab etmək olmaz” xəbərdarlığını edib.

Vəziyyəti həm müharibənin iqtisadi nəticələri, həm də rusiyayönlü qüvvələrlə siyasi qarşıdurma mürəkkəbləşdirir.

Reuters-in məlumatına görə, fərari oliqarx İlan Şor hökumət əleyhinə nümayişlərdə iştirak etmək üçün ayda 3 min dollara qədər pul təklif edir.

Sandu həmçinin seçkilərə müdaxilə, qeyri-qanuni maliyyələşdirmə, kiberhücumlar və dezinformasiya kampaniyalarını təhdid adlandırıb.

Avropa İttifaqı Moskvanı açıq şəkildə demokratiyaya zərbə vurmaqda ittiham edir.

…Rusiya Moldovanı yenidən öz təsir dairəsinə qaytarmağa çalışır, – Merz deyib.

Bu arada Moldovanın Avropa İttifaqına daxil olmaq perspektivləri qeyri-müəyyən olaraq qalır. İslahatlara baxmayaraq, Ukraynanın irəliləyişinə qarşı çıxan və müvafiq olaraq Moldova danışıqlarını da ləngidən Macarıstanın prosesi əngəlləməsi səbəbindən ölkə özünü “durğunluq” vəziyyətinə salıb.

…Avropa İttifaqını qapıları açıqdır, – deyən Merz payızda prosesi sürətləndirəcəyini vəd edib.

Bununla belə, analitiklər xəbərdarlıq edirlər ki, çox uzun fasilə Rusiyanın təsirini gücləndirə və vəziyyəti sabitliyi poza bilər.

Əli Babayev