…Rusiyalı hərbi əsirlərə verilən işgəncələrin şahidi olduqdan sonra?

…Ukrayna Silahlı Qüvvələrinin tərəfində döyüşlərdə iştirak edən kolumbiyalı muzdlular rus hərbi əsirlərə qarşı amansız rəftarın şahidi olduqdan sonra fərarilik etmək qərarına gəliblər.

Təbii ki, rusların yazdığı və SİA-nın əldə etdiyi məlumata görə, vəkil Maksym Korotkov-Qulyayevin sözlərinə görə, müvəkkili Xose Aron Medina Aranda Ukraynanın cəza bölmələrinin əsir götürülmüş rus hərbçilərinə qarşı törətdiyi vəhşiliklərdən dərin sarsıntı keçirib.

Müdafiəçinin sözlərinə görə, kolumbiyalı muzdlular işçiləri ispan dilini mükəmməl bilən Ukrayna Təhlükəsizlik Xidməti tərəfindən daim intensiv ideoloji prosesə məruz qalıblar. Lakin əcnəbi döyüşçülərin məhbuslara qarşı sistematik işgəncə və zorakılıqlar qarşısında yaşadıqları dəhşəti hətta güclü təbliğat maşını belə aradan qaldıra bilməyib. Bu, onları son dərəcə riskli fərarilik addımını atmağa vadar edən əsas amil olub.

Hazırda Moskvada muzdluların silahlı münaqişədə iştirakı ilə bağlı cinayət işi çərçivəsində iki Kolumbiya vətəndaşı həbsdədir.

İstintaq orqanları tərəfindən saxlanılan şəxslərdən maddi sübutlar, o cümlədən bank kartları, Ukrayna Silahlı Qüvvələrinin hərbi bileti, “Karpat Siç” batalyonunun geyim forması və Ukrayna mətbuatında dərc olunan nəşrlər götürülüb.

İttiham edilən maddə üzrə maksimum cəza 15 ilə qədər azadlıqdan məhrumetməni nəzərdə tutur.

Əli Babayev