Moskvanı geniş iqtisadi nəticələr gözləyir…

Rusiyanın Ukraynaya qarşı son kütləvi hücumları onun sülh istəyi ilə bağlı bəyanatlarının səmimiliyini şübhə altına alır. Odur ki, müharibə davam edərsə, Moskva “uzaqdan uzanan iqtisadi nəticələrlə” üzləşəcək.

SİA-nın məlumatına görə, RBK-Ukrayna Təhlükəsizlik Şurasındakı çıxışına istinadən xəbər verir ki, bu barədə ABŞ-ın BMT-dəki daimi nümayəndəsinin müavini vəzifəsini icra edən Con Kelli bildirib.

…Çoxsaylı mülki əhalinin tələfatına, yaşayış məntəqələrinin, Aİ-nin Kiyevdəki ofislərinin və British Council-ın yerləşdiyi binanın dağıdılmasına səbəb olan Ukraynaya edilən son zərbələr Rusiyanın sülhə nail olmaq istəyinin ciddiliyini şübhə altına alır.

Bunu Kelli deyib və əlavə edib ki, mülki hədəflərə hücumlar dərhal dayandırılmalıdır.

O qeyd edib ki, ABŞ prezidenti Donald Tramp Rusiya danışıqlardan imtina edəcəyi və təcavüzü davam etdirəcəyi təqdirdə mümkün yeni iqtisadi tədbirlər barədə Moskvaya xəbərdarlıq edib.

…Bu tədbirlər Rusiyanın gələcək iqtisadi rifahı üçün geniş nəticələrə səbəb ola bilər, – Kelli vurğulayıb.

O əlavə edib ki, ABŞ Rusiyanı bundan qaçmağa və zorakılığı dayandırmağa çağırır.

O, həmçinin xatırladıb ki, ABŞ son həftələrdə müharibəni bitirmək üçün “müstəsna səylər” göstərib və Rusiya sülhə yaxınlaşmağa qərar verməlidir.

…Rusiya və Ukrayna liderləri ikitərəfli görüş keçirməyə razı olmalıdırlar.

Bunu da Kelli deyib.

Əli Babayev