Türkiyənin mədəniyyət və turizm naziri Mehmet Nuri Ersoy 30 Avqust-Zəfər Bayramı münasibəti ilə Qazi Mustafa Kamal Atatürkün yeni videogörüntülərini ilk dəfə ictimaiyyətlə paylaşıb. SİA xəbər verir ki, bununla bağlı “NSosial”da paylaşım edən nazir bildirib ki, Türkiyənin Kino Baş İdarəsinin arxivindən üzə çıxarılan və ilk dəfə yayımlanan videoda Qazi Mustafa Kamal Atatürkün Florya köşkündə qarşılanma görüntüsü yer alır.

Mesajında, istiqlal və gələcək mübarizəsinin Zəfərlə taclanmasının 103-cü ildönümünü sözlə ifadə olunmaz bir qürur və coşqu ilə qeyd etdiyini bildirən Ersoy, 1935 və ya 1936-cı ildə çəkildiyi düşünülən bu görüntüdə Atatürkün Florya Dəniz Köşkündə onu qarşılayan uşaqlarla əks olunduğunu qeyd edib.