…Hindistan və Çin 5 illik fasilədən sonra birbaşa uçuşları bərpa edəcək. Bloomberg-in məlumatına görə, planlar avqustun 31-də Çinin Tyantszin şəhərində açılmış Şanxay Əməkdaşlıq Təşkilatının (ŞƏT) sammiti zamanı açıqlanıb.

Uçuşların bərpasının dəqiq vaxtı hələlik açıqlanmayıb.

ŞƏT sammiti çərçivəsində Hindistanın baş naziri Narendra Modinin son 7 ildə Çinə ilk səfəri olub.

SİA-nın məlumatına görə, Associated Press xəbər verir ki, Modi və Çin prezidenti Xi Jinping də sərhəd mübahisələrini həll etmək və ölkələr arasında əməkdaşlığı gücləndirmək üçün çalışacaqlarını bildiriblər.

Pekin və Yeni Dehli arasında münasibətlər 2020-ci ildə Çin və Hindistan hərbçiləri arasında sərhəddə baş verən ölümcül toqquşmalardan sonra pisləşib.

Bununla belə, son vaxtlar mediada ABŞ prezidenti Donald Trampın başlatdığı ticarət müharibəsi fonunda ölkələr arasında yaxınlaşma barədə məlumatlar yayılır.

Avqustun əvvəlində Çinin xarici işlər naziri Vanq Yi Dehliyə səfər etmişdi. Bu, Trampın Hindistanın Rusiyadan neft alması səbəbindən Hindistan mallarına 50 faizlik gömrük rüsumları tətbiq etmək qərarına təsadüf edir.

Əli Babayev