Avropa İttifaqının sanksiyalarına görə…

…Çinin Heihe Kənd Kommersiya Bankı Avropa İttifaqı sanksiyalarına məruz qaldıqdan sonra Rusiyadan ödənişləri qəbul etməyi dayandırıb. İdxalçılardan birinin sözlərinə görə, məhdudiyyətlər tətbiq olunduqdan sonra bir ay ərzində Heiheyə ödənişlər normal olub, lakin ötən həftə bank pul qəbulunu dayandırıb.

SİA-nın məlumatına görə, Heihe bunu “daxili infrastrukturun qurulması” ilə izah edib.

Eyni zamanda, A-Pro hüquq firmasının beynəlxalq layihələr praktikasının rəhbəri Dmitri Dvoretskinin sözlərinə görə, Heihe avqustun 11-də Rusiya bankları ilə əməliyyatları dayandırmağa başlayıb.

Ekspert izah edib ki, əməliyyatların tam dayandırılmasından əvvəl iki həftəlik fasilə kredit təşkilatı daxilində və Çin Xalq Bankı ilə razılıqlarla bağlı ola bilər.

Eyni zamanda, Money Roo ödəniş agentinin baş direktoru Aleksey Ostaninin sözlərinə görə, digər Çin bankları Heihedən pul Avropa İttifaqının sanksiyalar siyahısına daxil edilməsindən sonra onu qəbul etməkdən imtina edirlər. Ostanin qeyd edib ki, bank hələ bununla nə edəcəyini bilmir və buna görə də Rusiyadan ödənişləri qəbul etmir.

Əli Babayev