Rusiya və Macarıstanın ən kəskin və mübahisəli məsələləri dialoq formatında müzakirə etmək üçün qarşılıqlı istəkləri var. SİA Rusiya mətbuatına istinadla xəbər verir ki, bunu iyunun 9-da keçirdiyi brifinqdə Rusiya Prezidentinin mətbuat katibi Dmitri Peskov deyib.

“Rusiya və Macarıstanın hər şeydə eyni fikirdə olması vacib deyil. Bizim çoxlu fikir ayrılıqlarımız var, lakin buna baxmayaraq, danışıqlar masası arxasında ən kəskin və mübahisəli məsələləri müzakirə etmək üçün qarşılıqlı iradə də var”, – deyə o əlavə edib.

Peskov bildirib ki, Macarıstanın Baş naziri Viktor Orbanın mövqeyi əksər Avropa ölkələrinin liderlərinin “yaxıngörən” mövqeyindən ciddi şəkildə fərqlənir.