Hər il təxminən altı-yeddi milyon əcnəbi işçinin ölkədə işlədiyi 2013-2014-cü illərin pik rəqəmləri ilə müqayisədə indiki rəqəmlər demək olar ki, iki dəfə azalıb…

…Əgər on il əvvəl ölkədə hər il 6-7 milyon əmək miqrantı olurdusa, indi onların sayı 3-3,5 milyonu keçmir.

Ekspert bu tendensiyanı 2015-ci il iqtisadi böhranının nəticələri və miqrasiya siyasətindəki dəyişikliklərlə əlaqələndirir.

SİA rus saytlarına istinadən xəbər verir ki, demoqraf Yuliya Florinskayanın apardığı son araşdırmaya görə, Rusiyada əmək miqrasiyasının əhəmiyyətli dərəcədə azalması müşahidə olunur.

Hər il təxminən altı-yeddi milyon əcnəbi işçinin ölkədə işlədiyi 2013-2014-cü illərin pik rəqəmləri ilə müqayisədə indiki rəqəmlər demək olar ki, iki dəfə azalıb.

Ekspert bu tendensiyaya təsir edən iki əsas amili müəyyənləşdirir.

Birincisi, 2015-ci ilin iqtisadi tənəzzülü və sonradan dolların məzənnəsinin qalxması Rusiyada işi miqrantlar üçün daha az gəlirli edib.

İkincisi, miqrasiya qanunvericiliyində əhəmiyyətli dəyişikliklər xarici vətəndaşların qanuni işə qəbulu prosedurunu xeyli çətinləşdirib.

Demoqrafın fikrincə, miqrasiya axınının azalması ölkə iqtisadiyyatına kompleks təsir göstərir.

Bu, bir tərəfdən sosial infrastrukturun yükünü azaldır, digər tərəfdən isə iqtisadiyyatın miqrantlar üçün ənənəvi olan sektorlarında işçi qüvvəsi çatışmazlığı yaradır.

Florinskaya hesab edir ki, mövcud vəziyyət yeni iqtisadi reallıqlar nəzərə alınmaqla əmək miqrasiyasının tənzimlənməsinə yanaşmalara yenidən baxılmasını tələb edir.

Əli Babayev