Polşa NATO-nun müdafiə xərcləri rekordunu qırmağı hədəfləyir…
…Polşa 2026-cı ildə ÜDM-in 4,8 faizini müdafiəyə sərf edəcək, ölkənin maliyyə naziri Andjey Domanski bildirib. Polşa Nazirlər Şurası artıq 2026-cı il üçün büdcənin ilkin variantını qəbul edib.
Domanskinin sözlərinə görə, müdafiəyə rekord məbləğdə 200 milyard zloti (54,75 milyard dollar) vəsait ayrılacaq və bu sahəyə xərclər ÜDM-in 4,8 faizini təşkil edəcək.
…Bu, NATO-ya üzv ölkələr arasında ən yüksək göstəricidir, – nazir vurğulayıb.
SİA xarici qaynaqlara istinadən xəbər verir ki, 2024-cü ilin nəticələrinə görə, Polşa ÜDM-ə nisbətdə müdafiə xərclərinə görə NATO ölkələri arasında liderdir.
Dünya Bankının məlumatına görə, 2024-cü ildə bu, 914,7 milyard dollar təşkil edib.
NATO-nun hesabatına görə, Varşava 2024-cü ildə müdafiəyə təxminən 35 milyard dollar xərcləyib.
Pul baxımından ABŞ, Böyük Britaniya, Almaniya və Fransanı qabaqlayıb. Beləliklə, Polşanın müdafiə xərcləri əvvəlcə ÜDM-in 4,2 faizini xərcləmək nəzərdə tutulsa da, 3,82 faizini təşkil edib.
Alyansın müdafiə xərclərinin hazırkı hədəfi ÜDM-in 2 faizidir. Hələlik heç bir NATO ölkəsi 5 faizlik göstəriciyə çatmayıb.
2024-cü ilin nəticələrinə görə, ilk beşliyə Polşadan başqa Estoniya (3,4 faiz), ABŞ (3,3 faiz), Latviya (3,1 faiz), Yunanıstan (3 faiz) və Litva (2,8 faiz) daxildir.
Latviya və Litvanın hakimiyyət orqanları növbəti iki il ərzində 5 faizlik rəqəmə çatmaq və ya onu keçmək niyyətindədirlər. Ən az xərci İspaniya 2024-cü ildə edib (ÜDM-in 1,2 faiz).
Bloomberg-in hesablamalarına görə, bütün NATO ölkələri 2025-ci ildə müdafiəyə 1,4 trilyon dollar xərcləyib.
Blok xərcləri artırmaq planının bir hissəsi olaraq cəmi bir il ərzində 1,5 trilyon dollardan çox vəsait xərcləməyi planlaşdırıb.
Əli Babayev
